Taarifa ya Faragha

Taarifa tunazokusanya

• Jina lako na namba yako ya simu.
• Sababu ya kuonana na daktari, ukiiandika.
• Maelezo na ushauri ambao daktari anaandika baada ya mazungumzo.
• Muda wa ombi na wa simu, na taarifa za kiufundi zinazohitajika kuunganisha simu (kama anwani ya IP).

Tunavyozitumia

• Kukuunganisha na daktari au mshauri.
• Kukutumia namba ya uthibitisho na viungo kwa SMS au WhatsApp.
• Kukuonyesha ushauri wa daktari baada ya mazungumzo.
• Kuhakikisha ubora na usalama wa huduma.
• Kuboresha huduma, kwa kutumia takwimu zisizoonyesha wewe ni nani.

Hatutumii taarifa zako kwa matangazo

Hatutumii taarifa zako kukutumia matangazo, na hatuzitumii kukutengenezea wasifu wa kibiashara.

Kwa nini tunaruhusiwa kuzitumia

• Ridhaa yako unapoomba kuonana na daktari. Unaweza kuiondoa wakati wowote.
• Kukupa huduma uliyoiomba.
• Kutimiza wajibu wetu wa kisheria.

Video na sauti

Simu za video na sauti hazirekodiwi. Zinapita kwenye seva zetu wakati wa simu tu.

Nani anaweza kuona mazungumzo

• Daktari au mshauri anayekuhudumia.
• Watu ambao daktari anawaalika kwenye simu (daktari mwingine, ndugu au mkalimani). Unawaona kwenye simu, na daktari anawaalika kwa idhini yako.
• Wafanyakazi walioidhinishwa wa AfyaCall wanaweza kujiunga au kufuatilia simu kwa ajili ya kuhakikisha ubora na usalama. Kila wanapofanya hivyo huandikwa kwenye kumbukumbu zetu.

Tunaowashirikisha

Hatuuzi taarifa zako. Tunatumia mitandao ya simu kutuma SMS, WhatsApp (Meta) kutuma ujumbe wa WhatsApp, na kampuni ya seva inayoendesha mfumo wetu. Tunatoa taarifa kwa mamlaka pale tu sheria inapotutaka.

Muda wa kuhifadhi

Tunahifadhi taarifa zako kwa muda wote unaotumia huduma. Tunazifuta miezi 12 baada ya kujiondoa kwenye huduma, isipokuwa pale sheria inapotutaka kuzihifadhi zaidi.

Usalama

Taarifa zako hupitishwa kwa njia iliyosimbwa (encrypted), na ni wafanyakazi walioidhinishwa tu wanaoweza kuziona. AfyaCall haitakuomba kamwe namba yako ya uthibitisho. Usimpe mtu yeyote namba hiyo.

Haki zako

Kwa mujibu wa Sheria ya Ulinzi wa Taarifa Binafsi ya Tanzania (2022), una haki ya:

• Kuona taarifa tulizonazo kukuhusu.
• Kusahihisha taarifa zisizo sahihi.
• Kuomba tufute taarifa zako au tuache kuzitumia.
• Kuondoa ridhaa yako na kujiondoa kwenye huduma.
• Kukataa uamuzi muhimu kukuhusu unaofanywa na kompyuta peke yake.
• Kulipwa fidia iwapo haki zako zimevunjwa.
• Tuma ombi lolote kwa barua pepe privacy@afyacall.co.tz.

Malalamiko

Ukiwa na malalamiko, tuandikie privacy@afyacall.co.tz. Usiporidhika na majibu yetu, unaweza kuwasilisha malalamiko kwa Tume ya Ulinzi wa Taarifa Binafsi (PDPC).

Dharura

AfyaCall si huduma ya dharura. Ukiwa na dharura, nenda kituo cha afya kilicho karibu nawe mara moja.